నేనే బ్రహ్మము కోనేరము॥ నేము
కామించిన స్వతంత్రము గడు లేదుగాన

క్షణములోపలనె సర్వజీవావస్థలూను
గణుతించేవా డొకడు గలడు వేరే
అణుమహత్త్వములందు నంతర్యామైనవాని
ప్రణుతించి దాసులమై బ్రదికేముగాని

పనిగొని యేలుటకు బ్రహ్మాదిదేవతల
గనిపించేవా డోకడు గలడు వేరే
ననిచి సిరుల లక్ష్మీనాథుడైనవాని
అనులవారము నేము బ్రదికేముగాని

సతతరక్షకుడయి శంఖచక్రధరుడయి
గతి శ్రీవేంకటపతి గలడు వేరే
అతనిమఱగు చొచ్చి యానందపరవశాన
బ్రతిలేక యిందరిలో బ్రదికేము గాని