ప|| నేనెంత చిన్ననైనా నీకే సులభము గాని | పూని నా సరివారికి బొడవే సుమ్మీ ||

చ|| యిచ్చకపు పతివి నీవేమన్నా నితవే నాకు | కొచ్చికొచ్చి తిట్టినాను కోపమున్నదా |
తెచ్చుకొన్న నీసతులు తేనె మాటాడినాను | మచ్చరములై పెరిగి మర్మములు నాటురా ||

చ|| నీటున బ్రాణవిభుడ నీవేమి సేసినా | వాటమై మొక్కుదు గాక వాసి వట్టేనా |
పాతకపు సవతులు నయగారాలు సేసినా | యీటెల పోట్లే కాక యింతకోపేనా ||

చ|| చేరినిన్ను నేలినట్టి శ్రీ వేంకటేశ నీవు | యేరీతి నుండినాను యెరవున్నదా |
సారెకు నీవు ముట్టిన సవతులు వద్దనున్నా | నీరసమె రేగు గాని యీయకోలు గాదురా ||