ప|| నేనెంతవాడను నిన్నడిగి నంటే | వీనుల నీకథలెల్లా వినుటేగా ||

చ|| అలిగిన అలుగక అన్యులు మరిదూరి | పలికినను మారు పలుకక వాదు |
తలచిన కలుగకసరి కొట్టినను గాని | మూలుగనివాడే గదా ముక్తికి నర్హుడు ||

చ|| నగినను తానగక నాతులెవ్వరైన | తగిలి పెసగిన తగులక |
వగచినా వగవక వ్రతము చేరిచె మంటే | మొగమోడకున్నవాడే ముక్తికి నర్హుడు ||

చ|| విరిచినా విరువక విష్ణుభక్తియె దాటున | వెరపించిన మరి వెడవక |
నెరవై శ్రీ వేంకటేశ నీ పాదములె నమ్మి | మెరుగు లేనివాడె ముక్తికి నర్హుడు ||