నేనెయనగనేలా నీ మనసూ నెరగదా
ఆనవెట్టి చెప్పే జుమ్మీ ఆసగింతు నీకు

చిగిరించే కోపమున చేదైన వలపు
తగనట్టి తమకాన దీపాయరా
వొగరు గాకల చేత నుడికేటి దేహము
సగము మొగమాటాన జల్లనాయరా

చిమ్మిరేగే జగడాల చీకటైన మోహము
దిమ్మరి యెడమాటల దేటవారెరా
సమ్మతిగా నీ వొట్ల సైంచని పొందులు
యెమ్మెల కోరికలచే నితవాయరా

చెదని రేసుల చిన్నబోయే మోములు
కదిసి మేను సోకితే గళ రేగెరా
వెదకి నీవు నేనూ శ్రీవెంకటనాథ కూడగా
మదిలోని మచ్చికలు మక్కళించెరా