ప|| నేర్పుకంటె బెన్నిధి గద్దా | ఓర్పుకంటె సుఖమొకటి గద్దా ||

చ|| కరుణకు నెక్కుడు గతి యిక గద్దా | సరసత కెక్కుడు సరిగద్దా |
గురుమతి జిత్తము కూరిమి నిలిపిన | నెరవుకంటె విధమిక గద్దా ||

చ|| కలిమికంటె జీకటి మరి కద్దా | బలిమి కంటె నాపద గద్దా |
గెలుపు(గ) దెలెసి లంకించిన మతితో | జెలగుకంటె నిజనీతి యిక గద్దా ||

చ|| పాయము కంటె నపాయము గద్దా | కాయపు రోతకు గడ గద్దా |
పాయక వేంకట పతికృప గోరిన | యీ యభిమతమున కెదురిక గద్దా ||