ప|| నెయ్యములలో నేరెళ్ళో | వొయ్యన వూరెడి వువ్విళ్ళో ||

చ|| పలచని చెమటల బాహుమూలముల | చెలములలోనా జెలువములే |
ధళధళమను ముత్యపు జెరగు సురటి | దులిపేటి నీళ్ళ తుంపిళ్ళో ||

చ|| తొటతొత గన్నుల దొరిగేటినీళ్ళ | చిటిపొటి యలుకలు చిరునగవే |
వట ఫలంబు నీ వన్నెల మోవికి | గుటుకల లోనా గుక్కిళ్ళో ||

చ|| గరిగరికల వేంకటపతి కౌగిట | పరిమళములలో బచ్చనలు |
మరునివింటి కమ్మనియంప విరుల | గురితాకులినుప గుగ్గిళ్ళో ||