ప|| నిచ్చనిచ్చ సోబనాలు నెలమూడు సోబనాలు | హెచ్చునీకు నింతలోను ఇవి గదవయ్యా ||

చ|| చెలియ మొహములే సేసపాలు | వెలచు సిగ్గులే మీకు పెండ్లితెర |
కలగోను చూపులే కంకణాలు | సులబాన నీకు నబ్బె సుఖియించవయ్యా ||

చ|| మగువ మాటలే నీకు మంత్రాలు | పొగరు మోవి తేనెలు బువ్వాలు |
వెగటు బొమ్మ జంకెలే విడేలు | జిగినీకు నేడబ్బె చిత్తగించ వయ్యా ||

చ|| కాంత సరసములే కప్పురాలు | పొంతనున్న కుచములే పూజకుండలు |
చెంతల గూడితి విట్టె శ్రీవేంకటేశా యివి | సంతస మాయను నీకు జయమందవయ్యా ||