ప|| నీకేమయ్య నీకు నీవే దొడ్డవాడవు | చేకొని చెట్టడిచితే చేటడేసి వాపులు ||

చ|| తలపోత లొక్కటైతే తమకమినుమడాయ | నిలువుకు నీవే బేరము |
కొలిచినందే కొలిచి గోపికల్ల కెల్లాను | వలప్వ దీసితిగా వలపులనీవు ||

చ|| నగవులు మానెడైతే నునుపులడ్డె డేశాయ | నిగిడే నన్నిచోట్లా నీ బేరము |
అగడుగా నాగిచ్చి అంగనల కెల్లాను | జిగి వడ్డికొంటివి సిగ్గులెల్లా నీవు ||

చ|| మోవితేనగ్గువలైతే ముదములు లాభమాయ | నీవు నన్ను గూడినదే నీ బేరము |
భావించి శ్రీ వేంకటేశ పడతుల కెల్లాను | వావాత నమ్మితివిగా వయసులు నీవు ||