ప|| నీవే కావింక నేనన్య మెరగ యే- | త్రోవ చూపి నాకు దోడయ్యెదవయ్య ||

చ|| అపరాధశత కోట్లయినవి వొక్క- | నెపమున నను గవనేరవా |
అపరిమితదురితా లైనవి యే- | ఉపమచేత నన్ను నుద్ధరించెదవయ్య ||

చ|| అతిశయముగ గర్మినైతిని నీ- | మతము నాకొకయింత మరపవా |
ఇతరకర్మారంభహితుడను | గతి మోక్షమెటువలె గల్పించెదవయ్య ||

చ|| తిరువేంకటాచలాధీశ్వరా నీ- | శరణాగతుల బ్రోవజాలవా |
పరమదయానందపరుడవు యే- | వెరవున భవములు వెడలద్రోచెదవయ్య ||