నీవెంత నేనెంత నీకు నాకు నెంతదవ్వు
దైవమా సిగ్గుపడక తగిలే నేగాకా

చెంది నీకు బ్రహ్మాదులు సేవలు సేయుగాను
యిందు మాసేవలు నీకు నేడకువచ్చు
పొంది వసిష్ఠాదులట్టే పూజలు సేయగాను
సందడి మాపూజలు సరకా నీకు

సనకాదియోగులు సారె నిన్ను దలచగా
యెనసి మాతలపు నీ కేడకెక్కును
నునుపుగా శేషాదులు నుతులు నిన్ను జేయగా
పనివడి మానుతులు బాతేయనా నీకు.

కిట్టి నారదాదులు నీకింకరులై వుండగాను
యిటె నీదాసుడనను టెంత కెంత
వొట్టి శ్రీవేంకటేశ మాకొకవుపాయము గద్దు
పట్టి నీదాసులబంటుబంట నయ్యేనికను.