ప|| నీవనగ నొకచోట నిలిచివుండుటలేదు | నీవనుచు గనుగొన్ననిజమెల్ల నీవే ||

చ|| తనయాత్మవలెనె భూతములయాతుమలెల్ల- | ననయంబు గనుగొన్నయతడే నీవు |
తనుగన్నతల్లిగా తగనితరకాంతలను | అనఘుడై మదిజూచునతడే నీవు ||

చ|| సతతసత్య వ్రతాచార సంపన్నుడై | అతిశయంబుగ మెలగునతడే నీవు |
ధృతిదూలి ద్రవ్యంబు తృణముగా భావించు- | హతకాముకుడైన యతడే నీవు ||

చ|| మోదమున సుకదుఃఖములు నొక్కరీతిగా | నాదరింపుచున్నయతడే నీవు |
వేదోక్తమతియైన వేంకటాచలనాథ | ఆదియును నంత్యంబు నంతయును నీవే ||