నీవుదేవుడవు | నేనొకజీవుడ
ఈవిధి నిద్దరి | కెంత అంతరువు ||

పొడమిన జగములు | పుట్టెడి జగములు
గుడిగొనె మీరోమ | కూపములు
యెడయక నీరూప | మేమని ధ్యానింతు
అడరి మీవాడ | ననుటే గాక ||

మునుపతి బ్రహ్మలు | ముందరి బ్రహ్మలు
మొనసి మీ నాభిని | మొలచేరు
ఘనుడవు నిన్నే | గతి నే దెలిసెద
అనువుగ మిముశర | ణనుటే గాక ||

సహజానందము | సంసారానందము
ఇహము పరముగా | నిచ్చేవు
అహిపతి శ్రీవేంక | టాధిప నీ కృప
మహిలో సేవించి | మనుటే గాక ||