ప|| నీయంత వాడనా నేను నేరము లే మెంచేవు | యీయెడ నిరుహేతుక కృప జూడు నన్నును ||

చ|| నిరతి నిన్నెఱుగను నీవు నన్నెఱుగుదువు | ధర యాచకుడ నేను దాతవు నీవు |
వరుస నీచుడ నేను వైకుంఠపతివి నీవు | నరుడ నేను నీవు నారాయణుడవు ||

చ|| సారె నలసుడ నేను సర్వశక్తివి నీవు | ధీరుడవు నీ వతి దీనుడ నేను |
కారుణ్య మూర్తివి నీవు కఠిన చిత్తుడ నేను | మేరతో నీ వేలికవు మీ దాసుడ నేను ||

చ|| జనక శీలుడ నేను జనకుడవు నీవు | ఘనవేదాంత నిధివి కర్మిని నేను |
అనిశము శ్రీ వేంకటా చలేంద్రుడవు నీవు | పనుల నీ సంకీర్తన పరుడ నేను ||