ప|| నిక్కించీ గర్ణములు మానిసిమెకము | నిక్కపుగరుణతో మానిసిమెకము ||

చ|| కొండ తనకు గద్దెగా గోరి కూచుండిన దదే | నిండురాజసమున మానిసిమెకము |
గండుమీరి దానవునికండలు చెక్కుచు నూర్పు | నిండించీ నాకసము మానిసిమెకము ||

చ|| కరములువేయింటా గైకొని యాయుధములు | నిరతి జళిపించీ మానిసిమెకము |
సురలను నసురల జూచిచూచి మెచ్చిమెచ్చి | నెరపీని నవ్వులు మానిసిమెకము ||

చ|| యెక్కించి తొడమీద నిందిరతో మేలమాడీ | నిక్కపుగాగిటను మానిసిమెకము |
అక్కడ శ్రీవేంకటాద్రి నహోబలమునందు | నెక్కొని మమ్మేలెను మానిసిమెకము ||