నమ్మిన దొకటే నాకు నీశరణము
యెమ్మెలసంసార మింతే యిందేమి గలదు

యేటికర్మము నా కేటిధర్మము
యేటిదో నే జేయుగా నీ కేమి గూడెను
నాటకపుతొంటివారు నడిచినమార్గమని
యీటుకు జేసేగాక యిందేమి గలదు

యేడతపము నా కేడజపము నే
వాడిక జేయగ నీకు వచ్చినదేమి
బెడిదపుబెద్దలెల్లా బెట్టినతిట్టములంటా
యీడుకు జేసెగాక యిందేమి గలరు

యెక్కడిపుణ్యము నా కెక్కడిభోగములు
యిక్కువ నన్నిట్ల జేసి యేమిగంటివి
నిక్కెపుశ్రీవేంకటేశ నిన్ను గనుటగాక
యెక్కడి కెక్కడిమాయ లిందేమి గలదు