నన్ను నింతగా గడించి నాయమా దిగవిడువ
అన్నిటా రక్షించకపో దంతర్యామి

సొమ్ము వోవేసినవాడు చుట్టిచుట్టి వీథులెల్లా
కమ్ముక వెదకీనత కన్నదాకాను
నమ్మిన అజ్ఞానములో నన్ను బడవేసుకొని
అమ్మరో వూరకుందురా అంతర్యామి

వోడబేరమాడేవాడు వొకదరి చేరితి కూడినయర్థము గాచుకొనీనట
యీడనే ప్రపంచములో నిట్టె నన్ను దరిచేర్చి
వోడక కాచుకోరాదా వోయంతర్యామి

చేరి పుప్పమ్మేవాడు చిట్లు వే గనడట
వూరకే శ్రీవేంకటేశ వోపికతోడ
అరయ నన్ను బుట్టించినట్టివాడవు నాభార
మేరీతి నైన మోవు మిక నంతర్యామి