ఒల్లడుగాక దేహి వుద్యోగించడుగాక
కొల్లలైనమేలు తనగుణములో నున్నది

తలచుకొంటేజాలు దైవమేమి దవ్వా
నిలుచుక తనలోనే నిండుకున్నాడు
చలపట్టితేజాలు సర్గ మేమి బాతా
చలివేడినాలికపై సత్యములో నున్నాడు

ఆయమెఱిగితే జాలు నాయుష్యము గరవా
కాయపుటూపిరిలోనే గని వున్నది
చేయబోతే పుణ్యుడుగా జీవునికి దడవా
చేయుర గర్మము తనచేతిలోనే వున్నది

మొక్క నేరిచితే జాలు మోక్షమేమి లేదో
యెక్కువశ్రీవేంకటేశుడిదె వున్నాడు
దక్కగొంటేజాలు పెద్దతనమేమి యరుదా
తక్కక శాంతముతోడిదయ లోన నున్నది