ఒప్పులై నొప్పులై వుండుగాన
అప్పటికి జూడ నదియేకా నిజము ||

కన్నుల కిన్నియు జూడ కలలై వలలై
వున్నతాలు నడ్డాలై వుండుగాన
చిన్నచిన్న చిటిపొటి చిమ్ముదొమ్ముదిమ్ములవి
వున్నవన్నియు జూడ నొకటేకా నిజము ||

సారెకు నోరికి జూడ చవులై నవ్వులై
వూరటమాటలై వుండుగాన
తారుమారు తాకుసోకు తప్పుదోపులన్నియు
వోరపారులేనివెల్ల నొక్కటేకా నిజము ||

మేనికి నిన్నియు జూడ మృదువై పొదువై
పూని సంపదలై వుండుగాన
తేనై తీపై తిరువేంకటేశ నిన్ను
కానవచినదే నొక్కటేకా నిజము ||