పాప మెఱగను పుణ్యఫల మెఱగను
యేపనులు నీకు నెల విన్నియును గావా

మునుప నీవిషయముల ముద్ర మానునులగా
నునిచితివి నామీద నొకటొకటినే
అనిశంబు నవి చెప్పినట్లు జేయకయున్న
ఘనుడ నీయాజ్ఞ నే గడచుటే కాదా

కలిమిగల యింద్రియపుగా పులుండినవూరు
యెలమి నా కొనగితివి యేలు మనుచు
అలసి వీరల నేను నాదరించక కినిసి
తొలగద్రోచిన నదియు ద్రోహమే కాదా

కుటిలముల బెడబాపి కోరినచనవులెల్ల
ఘటన జెల్లించితివి॥ ఘనుడ నేను॥
అటుగనక శ్రీవేంకటాద్రీశ నీదాసి
నెటుచేసినా నీకు నితవేకదా