ప|| పారితెంచి యెత్తివేసి పారవెళ్ళితివి | నీరసపు టెద్దవైననీకు నేముద్దా ||

చ|| ఎద్దవై నన్నేల తొక్కి యేమిగట్టుకొంటివి | వొద్దనైన వచ్చి వూరకుండవైతివి |
వొద్దిక భూమెత్తిన యాయెద్దుకు నే ముద్దుగాక | నిద్దురచిత్తముతోడి నీకు నేముద్దా ||

చ|| కాపురపు బాపపునాకర్మమును ధరించి | వీపువగులగదాకి విర్రవీగితి |
ఆపగ నెద్దేమెరుగు నడుకులచవి మూట- | మోపరివి నీకు నాముదము ముద్దా ||

చ|| మచ్చరించి అల్లనాడు మాలవాడు కాలదన్ని | తెచ్చినయప్పటి ధర్మదేవతవు |
యెచ్చరించి తిరువేంకటేశు దాసుడని నన్ను | మెచ్చి తాకితివి నామేను నీకుముద్దా ||