పాటించి నమ్మిన వారి భాగ్యముగాదా
కోటిసుద్దులేల యిదె కోరి చేకొనేది.

స్వామిద్రోహియైనచండిరావణాసురుడు
కామించి శరణంటేను కాచే నంటివి
యేమని నీదయ యెంతు నెంతని నీమహిమెంతు
ఆమాటకు సరియౌ నఖిలవేదములు.

దావతి సీతాద్రోహము దలచి కాకాసురుడు
కావుమని శరణంటే గాచితివి
ఆవల నీపని యెట్టు అట్టె నీమన్నన యెట్టు
యీవల నీశరణనే ఇందుసరే తపము.

చిక్కు లిన్నీ నికనేల చేరి యేపాటివాడైన
గక్కన నీశరణంటే గాతువు నీవు
అక్కరతో నిన్ను శరణంటిమి శ్రీవేంకటేశ
యెక్కువ నీబిరుదుకు యీడా పుణ్యములు.