ప|| పెక్కులంపటాల మనసుపేదవైతివి నీకు | నెక్కడా నెవ్వరు లేరు యేమిసేతువయ్యా ||

చ|| కన్నుమూయ బొద్దులేదు, కాలుచాచ నిమ్ములేదు | మన్నుదవ్వి కిందనైన మనికిలేదు |
మున్నటివలెనే గోరుమోపనైన జోటులేదు | యిన్నిటా నిట్లానైతి వేమిసేతువయ్యా ||

చ|| అడుగిడుగ నవ్వల లేదు, అండనైన నుండలేదు | పుడమి గూడు గుడువనైన బొద్దులేదు |
వెడగుదనము విడువలేదు, వేదమైన జదువలేదు | యెడపదడప నిట్ల నీకు నేమిసేతువయ్యా ||

చ|| వుప్పరములు మానియైన నుండలేదు లోకమందు | నిప్పుడైన నీవిహార మిట్ల నాయను |
చెప్పనరుదు నీగుణాలు శ్రీవేంకటేశ యిట్ల- | నెప్పుడును ఘనుడవరయ నేమిసేతువయ్యా ||