ప|| పెంచబెంచ మీద బెరిగేటిచెలిమి | ఇంచుకించుక తాలిముల కెడలేనిచెలిమి ||

చ|| అంటుముట్టులేక మనసులంటుకొన్న చెలిమి | కంటగంట నవ్వించే ఘనమైన చెలిమి |
వెంటవెంట దిరిగాడు వెర్రిగొన్న చెలిమి | యింటివారి చిత్తములకు నెడరైన చెలిమి ||

చ|| చెక్కుచెమటపెక్కు వలెనే చిక్కనైన చెలిమి | యెక్కడౌటా తమ్ముదమ్ము నెరగనీని చెలిమి |
చక్కదనమే చిక్క మేనుచిక్కినట్టి చెలిమి | లెక్కలేనియాసలెల్లా లేతలయిన చెలిమి ||

చ|| అంకురించినట్టితలపు లధికమయిన చెలిమి | అంకెలయిన యాసలెల్లా లావుకొన్న చెలిమి |
వేంకటాద్రివిభుని గూడి వేడుకయిన చెలిమి | పంకజాననలకెల్ల బాయరాని చెలిమి ||