ప|| పొడవైన శేషగిరి బోయనాయడు | విడువ కిందరి గాచు వెడబోయనాయడు ||

చ|| పొలసి మీసాల పెద్దబోయనాయడు | మలిగి వీపునగట్టేమంకుబోయనాయడు |
పొలమురాజై తిరిగేబోయనాయడు | వెలయ మోటుననుండేవేటబోయనాయడు ||

చ|| పొట్టిపొట్టియడుగులబోయనాయడు యెందు | బుట్టుపగసాధించేబోయనాయడు |
బొట్టులమెకమునే సేబోయనాయడు | పట్టపునెమలిచంగుబలుబోయనాయడు ||

చ|| పొంచి శిగ్గెగ్గెఱగనిబోయనాయడు | మించి రాలమీదదాటేమెండుబోయనాయడు |
అంచెల శ్రీవేంకటేశుడనేబోయనాయడు | పంచ గాలవేలములబలుబోయనాయడు ||