ప|| పోరాక పోయి తలపుననున్నదైవంబు | జేరనొల్లక పరుల జేరదిరిగెదము ||

చ|| వడిబారుపెనుమృగము వలలలోపల దగులు- | వడి వెడల గతిలేక వడకుచున్నట్లు |
చెడనికర్మములులలో జిక్కి భవములబాధ | బడియెదముగాక యేపనికి దిరిగెదము ||

చ|| నీరులోపలిమీను నిగిడి యామిషముకై | కోరి గాలము మ్రింగి కూలబడినట్లు |
జారిపోయిననేల సంసారసౌఖ్యవి- | కారంపుమోహముల గట్టువడియెదము ||

చ|| శ్రీవేంకటేశు నాశ్రితలోకరక్షకుని | భావింప దేవతాపతియైనవాని |
సేవించుభావంబు చిత్తమెడబడక నే- | మీవలావలిపనుల నిట్ల దిరిగెదము ||