ప|| పోరొ పోరొ యమ్మలార బొమ్మలాటవారము | యీరసాన మమ్ము నిట్టే యేమిసేసేరు ||

చ|| ఊరులేనిపొలమేర వొడలుమోచుకొని నేము | తేరదేహ మెక్కుకొని తిరిగేము |
వారువీరనుచు వట్టివావులు సేసుక లేని- | పేరుపెట్టుకొని లోలో బిరువీకులయ్యేము ||

చ|| బుద్ధిలేనిబుద్ధితోడ పొందుసేసుకొని వట్టి- | యెద్దుబండికంటిసంది నీగేము |
నిద్దురలో తెలివంటూ నీడలోని యెండంటా | వుద్దువుద్దులై లేనివొద్దిక నున్నారము ||

చ|| మాటులేనిమాటు దెచ్చి మరుగవెట్టుక వట్టి- | మేటానమేట్లవలె మెరసేము |
గాటమైనతిరువేంకటగిరినిలయుని- | నాటకమే నిజమని నమ్మిక నున్నారము ||