ప|| పోయబోయ గాలమెల్ల పూట పూటకు | రోయని రోతలు చూచి రుచి చూరబోయ ||

చ|| తాడిమానెక్కేటివాని తడయక పట్టి పట్టి | తోడ దోడ నెందాకా దోయవచ్చును |
కాడువడ్డ చిత్తమిది కలకాలము నిట్టే | ఆడి కెలకులోనై తనియకపొయ ||

చ|| మన్నుదిని యేటిదూడ మానుమంటూ మొత్తి మొత్తి | కన్నిగట్టి యెందాక గాయవచ్చును |
సన్నపుటాసలమీద చరిబడ్డ దేహమిది | కన్నపుగత్తుల చూపు కట్టరాకపోయ ||

చ|| హేయము దొక్కకుమన్న యేచితి నేననేవాడు | చాయకు రాకున్న నేమి సేయవచ్చును |
మాయల వేంకటపతి మచ్చుచల్ల నాయాత్మ | పాయక యీతని జేరి భయమెల్లబోయ ||