ప|| పోయం గాలము వృథయై పుట్టినమొదలుం గటకట | నీయెడ నామది నిజమై నిలుచుట యెన్నడొకో ||

చ|| కుడిచిన నాకలి దీరదు కుడువగగుడువగ బైపై | కడుబొదలెడుదీపన మిది గడచుట యికనెట్లు |
కుడువకమానుట యెన్నడు కోరికదీరుట యెన్నడు | తడయక నీరూపము నే దలచుట లెన్నడొకో ||

చ|| జీవుడుపుట్టిన మొదలును జేతికి నూఱట చాలక | యేవిధమున భుజియించిన నెడయదు దీపనము |
శ్రీవేంకటపతి నాకిక శ్రీకరుణామృత మియ్యక | పావనమందదు నామది పాలించందగదా ||