ప్రాణనాయకుడు వాడె ప్రాణేశ్వరివి నీవు
జాణవు నీవిన్నిటాను చలమేటికే ||

వీడనాడివచ్చుగాని వెనకవేడుకోరాదు
కూడేరు మీకెపోదు కోపమింతేలే
నీడలు వేరైతోచు నిలువొక్కటేకాదా ||

అలుగగవవచ్చుగాని అట్టె కిందుపడరాదు
కలపేరు మీకెపోదు కపటమేలే
పలుకులెన్ననా దోచు బాసవొక్కటెకాదా
పులకలి వేడవంటా పొర్లనేటికే ||

తప్పులెంచవచ్చుగాని తారుకాణించరాదు,
యెప్పుడు మీకెపోదు యెరవేటికే
అప్పుడిదే శ్రీ వేంకటాధిపుడు నిన్నుగూడె
కుప్పశించి నవ్వెనంటా గోర జించనేతికే ||