ప|| ప్రాణులనేరమి గాదిది బహుజన్మపరంపరచే | ప్రాణులుసేసిన తమతమ పాపఫల్ముగాని ||

చ|| హరి సకలవ్యాపకుడని అందరు జెప్పగ నెరిగియు | పరదైవంబుల గొలువకపాయరు మానవులు |
నరపతి భూమేలగ భూవరు భజియింపగనొల్లక | పరిసరవర్తులబెంబడి బనిసేసినయట్లు ||

చ|| పొందుగ తమతమ సేసినపూజలు మ్రొక్కులు గైకొన | అందముగా బురుషోత్తము డాతడే కలడనియు |
అందరు నెరిగియు యితరుల జెందుదు రున్నతశైలము- | నందక చేరునతరువుల నందుకొనినయట్లు ||

చ|| శ్రీ వేంకటపతి యొక్కడె చెప్పగ జగములకెల్లను | దైవము నాతములోపలి ధనమనగా వినియు |
సేవింపరు పామరులీదేవుని మధురంబొల్లక | వావిరి బులుసులు చేదులువలె ననికొనునట్లు ||