ప|| పరగీ నిదివో గద్దెపై సింహము వాడె | పరమైన ఔభళనారసింహము ||

చ|| తెల్లనిమేనిసింహము దేవసింహము | మెల్లని చిరునవ్వుల మేటిసింహము |
చల్లేటి ఉరుపులతో జయసింహము వాడె | బల్లిదుడైవెలసే ఔభళనారసింహము ||

చ|| నిలుచున్న సింహము నిత్య సింహము | అలరు కొండలమీది అది సింహము |
వెలుపలి కడపపై వీరసింహము | పలుకు పంతముల ఔభళనారసింహము ||

చ|| పుట్ట జడల సింహము పూర్ణసింహము | ఱట్టడి ఆర్పుల ఆఱడి సింహము |
జట్టిగొన్న దాసులకు శాంతసింహము | పట్టపు శ్రీవేంకట ఔభళనారసింహము ||