ప|| పరగుబహుజన్మ పరిపక్వహృదయుడై | మరికదా వేదాంతమార్గంబు గనుట ||

చ|| కలుషహరమగు వివేకమ్ము గలిగినయట్టి- | ఫలముగాదా కృపాపారీణుడౌట |
తలపోసి సకలభూతదయావిశేషంబు | కలిగికదా గుణవికారంబు గనుట ||

చ|| యెదిరి దనవలెనె తా నెఱగనేర్చినఫలము | అదిగదా ద్రవ్యమోహంబు గడచనుట |
పదిలమగునాశానుభవము పాపినయట్టి- | తుదగదా తాను సంతోషంబు గనుట ||

చ|| రతిపరాఙ్ముఖ మహారాజ్యమబ్బినఫలము | మతిగదా తాను కర్మత్యాగియౌట |
తతితోడ ఫలపరిత్యాగిచిత్తవ్యాపి- | ధృతిగదా వేంకటాధిపుదాసుడౌట ||