ప|| పరులసేవలు చేసి బ్రదికేరటా | సిరివరుదాసులు సిరులందు టరుదా ||

చ|| కోరి వొకనరుని గొలిచనవారలు | ధీరులై సలిగెల దిరిగేరట |
కూరిమి బ్రహ్మాండకోటులేలేడివాని- | వారలింతట జనవరులౌ టరుదా ||

చ|| చేకొన్నతుమ్మిదచేపడ్డకీటము- | లాకడ దుమ్మిదలయ్యీనట |
శ్రీకాంతుని పాదసేవకులగువార- | లేకులజులయినా నెక్కుడౌ టరుదా ||

చ|| ధరణీశునాజ్ఞల తమదేశములందు | సిరులనాణెపుముద్ర చెల్లీనట |
తిరువేంకటాద్రి శ్రీదేవునిముద్రలు | ధరియింపగా నింతట జెల్లుటరుదా ||