ప|| పసలేని యీబ్రదుకు | ఆసలు చొచ్చిచొచ్చి అలసినట్టాయె ||

చ|| తొల్లిటిజన్మాదుల గానినరరూపు | వల్లించుకొన్న యీబ్రదుకు |
కల్లసుఖములచే కనలి కమ్మర | ముల్లుదీసి కొర్రు మొత్తినట్టాయ ||

చ|| బూటకములనెల్ల బొరలి సంసారంపు- | పాటుదెచ్చిన యీబ్రదుకు |
నీటుగ నెద్దు దన్నీనని గుర్రము- | చాటుకేగిన యట్టిచందమాయె ||

చ|| పగగొన్న పొగకోపక మంట బడిపది | పగలు రేలైన బ్రదుకు |
తగువేంకటేశ్వరు దలచి నేలనుండి | యెగసి మేడమీద కేగినట్టాయె ||