ప|| పట్టినచోనే వెదకి భావించవలెగాని | గట్టిగా నంతర్యామి కరుణించును ||

చ|| యింటిలోనిచీకటే యిట్టే తప్పకచూచితే | వెంటనే కొంతవడికి వెలుగిచ్చును |
అంటి కానరాని తనయాతుమ తప్పకచూచు- | కొంటే దనయాతుమయు గొబ్బున గాన్పించును ||

చ|| మించి కఠినపురాతిమీద గడప వెట్టితే | అంచెల దానే కుదురైనయట్టు |
పొంచి హరినామమే యేపొద్దు నాలికతుదను | యెంచి తలచదలచ నిరవౌ సుజ్ఞానము ||

చ|| వొక్కొక్కయడుగే వొగి ముందర బెట్టితే | యెక్కువై కొండైనా నెక్కు గొనకు |
యిక్కువ శ్రీవేంకటేశు నిటు దినదినమును | పక్కన గొలిచితే బ్రహ్మపట్ట మెక్కును ||