ప|| పటుశిష్టప్రతిపాలకుడ వనగ | ఘటన నఖిలమును గాతువుగా ||

చ|| తుత్తుమురుగ దైత్యుల దనుజుల నని | మొత్తిమోది చలమున జెలగి |
జొత్తుపాపలుగ సొరిది విరోధుల | నెత్తురు వడుతువు నీవేకా ||

చ|| తళతళమెరుచు సుదర్శనాయుధం- | బలరుచు నొకచే నమరగను |
బలుదైత్యులదొబ్బలు బేగులు నని | నిలువున జెండుదు నీవేకా ||

చ|| దిట్టవు సూత్రవతీపతి వసురల | జట్టలు చీరగ జతురుడవు |
రట్టడి వేంకటరమణుని వాకిట- | పట్టపుసేనాపతివటకా ||