పులుగు చెప్పెడి నదె పొంచి మాగురుడు నీకు
తలచుకో నేడు నీవు దాచినర్థము

యిలమీద తమసొమ్ము లెవ్వరివద్ద నుండినా
తలపిడి కొలుపిడి తగిలినట్టు
తొలుత పంచేంద్రియపుదొంగలవద్ద నున్నాడ
వెలా నీసొమ్మనుచు విడిపించుకొనవే

చేరి తమవూరివారి చెఱపటుకొని పోతే
కోరి కుయివోయి తెచుకొన్నట్టు
వూరక నీకుక్షిలోనవున్న నన్ను నీమాయ
వీరాన బెఱవట్టెను విడిపించుకొనవే

బడిదప్పి తిరిగేటిపడుచుల తమవారు
తడయక తెచ్చుక ఆదరించినట్టు
వెడబుద్ది దిరిగేను వెఱ్రిని శ్రీవేంకటేశ
విడువక అజ్ఞానినన్ను విడిపించుకొనవే