ప|| పురుషోత్తామ నీవే బుద్ధిచ్చి గాచుటగాక |శిరసెత్తుకొని నవ్వసిగ్గు కాదా నాకు ||

చ|| పొసగ పంచేంద్రియములు పుట్టిన దేహమే మోచి | యెసగి జితేంద్రియుడను ఎట్లైతి నేను |
పసగొని కోరికల వలలోన జిక్కుకొని | ఇసుమంతలో ముక్తుడ నెట్లైతి నేను ||

చ|| తొల్లిటి కర్మము చేత దొడ్డ యైన పుట్టు పుట్టి | యెల్ల వారిలో జ్ఞాని నెట్టయ్యె నేను |
మల్లడి సంసారము మరుగు వాడనై యుండి | యిల్లదిగో విరక్తుండ నెట్టయ్య నేను ||

చ|| పాపపుణ్యపు లోకుల పంక్తిలోననే వుండి | యేపున నీ భక్తి వాడ నెట్టయ్యె నేను |
రాపుల శ్రీ వేంకటేశ రక్షించి కీర్తి బొందు | ఈ పాటివాడ ధీరుండ నెట్టయ్యె నేను ||