పురుషోత్తముడ నీవే పుణ్యము గట్టుక నన్ను
రదిచేర్చి రక్షించి దయజూడగదవే

ధరలో యాచకునకు ధర్మాదర్మము లేదు
సిరుల గాముకునికి సిగ్గు లేదు
పరమపాతకునకు భయ మించు కాలేదు
విరసపునాకై తే వివేకమే లేదు

మించినకృతఘ్నునికి మే లెన్నడును లేదు
చంచలచిత్తునకు నిశ్చయమే లేదు
అంచల నాస్తికునకు నాచారమే లేదు
కొంచనిమూర్ఖుడ నాకు గుణమే లేదు

మదించినసంసారికి మరి తనివే లేదు
పొదిగొన మూర్ఖునకు బుద్దేలేదు
అదన శ్రీ వేంకటేశ అలమేల్మంగదాసుడ
నిదివో చనవరి నాకెదురే లేదు