ప|| పుట్టుభోగులము నేము భువి హరిదాసులము | నట్టనడిమి దొరలు నాకియ్యవలెనా ||

చ|| పల్లకీలు నందనాలు పడివాగె తేజీలు | వెల్లవిరి మహాలక్ష్మీ విలాసములు |
తల్లియాకె మగనినే దైవమని కొలిచేము | వొల్లగే మాకే సిరులు వొరులియ్యవలెనా ||

చ|| గ్రామములు వస్త్రములు గజముఖ్య వస్తువులు | ఆమని భూకాంతకు నంగభేదాలు ||
భామిని యాకె మగని ప్రాణధారి లెంకలము | వోలి మాకాతడే యిచ్చీ వొరులియ్యవలెనా ||

చ|| పసగల పదవులు బ్రహ్మ నిర్మితములు | వెస బ్రహ్మతండ్రి శ్రీ వేంకటేశుడు |
యెసగి యాతడే మమ్మునేలి యిన్నియు నిచ్చె | వొసగిన మాసొమ్ములు వొరులియ్యవలెనా ||