పల్లవి:

ప|| పుట్టుమాలినబరుబోకివి నన్ను | దిట్టే నదేమోసి దిమ్మరిమాయ ||

చరణం:

చ|| ఒరపులాడక పోవె వోసి మాయ నాతో | దొరలేవు నిను ముట్ట దోసము |
వెరపించే వేమోసి విష్ణుభక్తినంటూ- | నెరగనటే నీయేతు లిన్నియును ||

చరణం:

చ|| పుదుట చెల్లదు పోపో వోసి మాయ నా- | యెదుర నాటలు నీకు నికనేలే |
వదరేవు హరిభక్తివనిత, తెలియరు, నే- | నిదురపుచ్చినవారు నీవు నా కెదురా ||

చరణం:

చ|| వొల్లనటే జీవ మోసిమాయ నీ- | కల్లలిన్నియును లోక మెరుగును, |
నల్లనివిభునిమన్నన భక్తినంటూ | జెల్లబో పాపపుచేదు మేయకువే ||

చరణం:

చ|| వూరకుండవుగా వోసిమాయ నిన్ను | బేర బిలువము గుంపెనలాడేవు, |
నారాయణభక్తినాతి, నన్నును నిన్ను | గోరి యిందరు నెరుగుదు రేల పోవే ||

చరణం:

చ|| వోవవు ననుజూచి వోసి మాయ నా- | తోవ వచ్చినను నొత్తువు నీవు |
శ్రీ వేంకటగిరి దేవునిభక్తి నా- | హావళికే నిన్ను నలమి రిందరును ||