ప|| రెండుమూలికలు రేయిబగలు నున్నవి | అండదేహమం దొకటి ఆతుమలో నొకటి ||

చ|| యిదివో రసబద్ధము, యింద్రియములు మేనిలో | పదిలముగా నిలిపి బంధించుట |
అదివో వేధాముఖ, మంతరంగపుమనసు | చెదరకుండా జొనిపి శ్రీహరిదలచుట ||

చ|| తారవిద్య గంటిమి తగిలి నాసాగ్రమందు | మేరతో ద్రిష్టినిలిపి మేలుబొందుట |
చేరువ సువర్ణవిద్య, చిత్తములో బ్రణవము | ధీరత నాదముసేసి దేవుని బొగడుట ||

చ|| పుటజయమాయ నిట్టె పుణ్యపాపము లందులో | కుటిలపుగోరికల కొన దుంచుట |
యిటులనే శ్రీవేంకటేశు డిందిరయును | అటు ప్రకృతిపురుషునుటొరవచ్చుట ||