సేస పెట్టవయ్యా యిట్టి చెలిమీదను
ఆసలమీకిద్దరికి నన్నిటా నమరును ||

గ్రక్కన జెట్టవట్టితే కంకణము వంటిదాపె
దక్కి వురమెక్కితేను తాళి వంటిది
మొక్కలాన దొడ దొక్కితే మొలనూలు వంటిది
అక్కజమై నీకు నాపె నన్నిటా నమరును ||

చేరి విన్నవించితే చెవి పోగుల వంటిది
నీరతికి వద్దనుంటే నీడవంటిది
కోరి పానుపుపై పెండ్లి కూతురు వంటిదేపొద్దు
ఆరీతి ఆపెకు నీకు నన్నిటా నమరును ||

పాదాల సేవ సేసితే పావకోళ్ళ వంటిది
సోదించి చూచితేను సొమ్ము వంటిది
యీదెస శ్రీవేంకటేశ యింతి నీవు గూడితివి
ఆదిగొని నీకు నాపె కన్నిటా నమరును ||