ప|| సేవింతురే యితని జెలగి పరులిట్లనే | కావించి మమ్ము నెక్కడిదైవ మితడు ||

చ|| పాఅలచవి యితడెరుగు పాల బవళింప గో- | పాలుడని నే మితని భజియించగా |
పాలుపడి తల్లిచనుబాలు సహితంబు నే- | కాలమును బాపె నెక్కడిదైవ మితడు ||

చ|| పుట్టింప దానె మరి పురుషోత్తముడు మంచి- | పుట్టు వొసగిననుచు బూజించగా |
పట్టుకొని మము దెచ్చి బలిమి బుట్టువులెల్ల | గట్టిపెట్టించె నెక్కడిదైవ మితడు ||

చ|| కర్మకర్తారుడని కడలేని పుణ్యముల- | కర్మఫలములు దనకు గైకొలువగా |
కర్మగతి దెచ్చి వేంకటవిభుడు మావుభయ- | కర్మముల జెరిచె నెక్కడిదైవ మితడు ||