సేయనివా డెవ్వడు చిల్లరదోషాలు
యేయెడ జీవులజాడ లీశ్వరకల్పితమే

దేవునినమ్మినయట్టిదేహియట యాతనికి
యీవల నెంతటిపాప మేమినేసును
భావించి యన్ని నేరాలు పరిహరించు నతడే
ఆవటించుసూర్యునికి నందకార మెదురా

పూజింపించుకొనువాడు భువనరక్షకుడట
తేజముతో దురితాలు తెంచగలేడా
రాజు సేసినయాణాజ్ఞ రాజుకంటే నెక్కుడా
వోజతో వజ్రాయుధాన కోపునా పర్వతాలు

చేతనాత్మకుడట శ్రీవేంకటేశ్వరుడు
జాతిలేనుజీవునికి స్వతంత్ర మేది
కాతరపుజన్మానకు గార్య కారణమేది
యేతున గరుడనికి ఎదురా పాములు