ప|| సహజాచారములెల్ల సర్వేశ్వరునియాజ్ఞే | అహమించి నమ్మకుండు టదియే పాషండము ||

చ|| నిద్దిరించువానిచేతినిమ్మపంటివలెనే | చద్దికర్మములు తానే జారితే జారె |
పొద్దువొద్దు తనలోన భోగకాంక్షలుండగాను | అద్దలించి కర్మమెల్లననుటే పాషండము ||

చ|| కలగన్నవాడు మేలుకనినటువలెనే | తలగి ప్రపంచ మెందో దాగితే దాగె |
యిల్ల నీదేహము మోచి యింతా గల్లలనుచు | పలికి తప్పనడచేభావమే పాషండము ||

చ|| ధర నద్దముచూచేటి తనరూపమువలె | గరిమతో దనయాత్మ కంటే గనె |
సరుస శ్రీవేంకటేశు సాకారమటు గని | కరగి భజించలేనికష్టమే పాషండము ||