ప|| శరణాగత వజ్ర పంజరుడితడు | చక్రధరుడు అసుర సంహారుడు ||
అప|| వెరవుతోడ తను శరణనువారికి | వెనుబలమీతడే రక్షకుడు ||

చ|| అంతరాత్మ శ్రీ వేంకటేశ్వరుడు అన్యము భజించ చోటేది |
ఇంతట నమ్మక దేవతాంతరము లేటేటివొ మరి చెప్పుదురు |
ఎంతలేదు ప్రాకృత జనముల భ్రమ ఎవ్వరి కాదన నేమిటికి |
ఇంతకు శ్రీ వేంకటేశు దాసుల ఈతడే మాకిక రఖకుడు ||

చ|| శ్రీపతి దిక్కై కావగ జేరని సంపద లికనేవి |
దాపల బుద్ధుల నది నమ్మక విచ్చలవిడి నోములు చెప్పుదురు |
తీపులు పుట్టించి యెవ్వ రేమనిన తెలిపి వాదడువ నేమిటికి |
శ్రీపతి గొలిచితి చేరె సంపదలు జిగినితడే మా రక్షకుడు ||