శరణు కపీశ్వర శరణం బనిలజ
సరవి నెంచ నీసరి యిక వేరీ

పుట్టిననాడే భువనములెరరగగ
పట్టితి సూర్యుని పండనుచు
ముట్టిన చుక్కలు మోవగ పెరిగితి(వి)
ఇట్టిప్రతాపివి యెదురేదయ్యా

అంపినయప్పుడే యంబుధి దాటితివి
ఇంపులు సీతకు నిచ్చితివి
సంపద మెరయుచు సంజీవి దెచ్చితి
పెంపును సొంపును పేర్కొనవశమా

చెదరక నేడే శ్రీవేంకటగిరి
గదిసి రాముకృప గైకొంటి
వదలక నీకృపవాడనైతి నిదె
యెదుటనే కాచితి విక కడమేమీ