ప|| సకలసందేహమై జరుగుచున్నది యొకటి | ప్రకటింప జీవమో బ్రహ్మమో కాని ||

చ|| వసుదేవజఠరమనువననిధికి జంద్రుడై | అసమానగతి బొడమినా డితడు |
వసుధ జంద్రుడు నీలవర్ణు డేటికినాయ | కసరెత్తి నునుగందు గలయగొనుబోలు ||

చ|| ఇనవంశమున లోకహితకల్పభూజమై | అనఘుడై జనియించినా డితడు |
నను పై నసురతరువు నల్లనేటికినాయ | పెనుగొమ్మలో చేగ పెరిగిరాబోలు ||

చ|| తిరువేంకటాద్రిపై దెలియ జింతామణై | అరిదివలె బొడచూపినా డితడు |
గరిమె నది యిపుడు చీకటివర్ణమేలాయ | హరినీలమణులప్రభ లలమికొనబోలు ||