ప|| సతతము నేజేయు ననాచారములకు గడ యెక్కడ | మతి ననుగని కావుము రామా రామా రామా||

చ|| సేసిననాబ్రహ్మహత్యలు శిశుహత్యలు గోహత్యలు | ఆసలనెన్నో యెన్నో ఆయాజాడలను |
యీసున నే నిపు డెరిగియునెరగక సేసేదురితపు- | రాసులకును గడలే దిదె రామా రామా రామా||

చ|| నమలెడినానాచదువులకు నానావిధభక్షణములు | కమిలినదుర్గంధపుశాకమ్ములు దొములును |
జముబాధల నరకంబుల సారెకు నన్నెటువలె శ్రీ- | రమణుడ ననుగాచే విటు రామా రామా రామా||

చ|| కపటపునాధనవాంఛలు కలకాలము బరకాంతల | జపలపుదలపుల సేతలసంఖ్యము లరయగను |
యెపుడును నిటువలెనుండెడుహీనుని నన్నెటు గాచెదో | రవమున శ్రీవేంకటగిరిరామా రామా రామా||